Cofinanaciado polo FSE+ a través da Dirección Xeral de Inclusión da Xunta de Galicia
Dende hai anos, a Asociación conta co Programa de Prevención e Primeira Atención, unha iniciativa orientada a apoiar ás persoas que se atopan en situacións de risco ou vulnerabilidade, ofrecendo unha resposta áxil, próxima e adaptada ás súas necesidades.
O servizo céntrase en escoitar, valorar e acompañar, garantindo que cada persoa poida acceder ao recurso social máis axeitado e exercer os seus dereitos en igualdade de condicións.
En que consiste este programa?
O Programa de Prevención e Primeira Atención é un servizo especializado que permite:
- Detectar situacións de risco ou vulnerabilidade, identificando de maneira temperá dificultades persoais, sociais ou familiares.
- Valorar as necesidades reais de cada persoa, tendo sempre en conta a súa situación vital e incluíndo a perspectiva diferencial de xénero.
- Informar sobre dereitos, recursos e prestacións dispoñibles, así como sobre as mellores combinacións de axudas segundo cada caso.
- Orientar e derivar cara aos servizos ou dispositivos comunitarios máis axeitados, facilitando pasos claros e acompañamento nos primeiros trámites.
Este servizo desenvolve os mesmos obxectivos marcados na Carteira de Servizos de Inclusión Social da Xunta de Galicia para a valoración, información e orientación.
Acceso ao servizo
O Programa está aberto a calquera persoa que precise orientación social básica. Pódese acceder:
- Por iniciativa propia, solicitando cita directamente coa Asociación Albores.
- Por derivación doutros servizos comunitarios (centros educativos, sanitarios, entidades sociais, etc.).
- Por derivación dos Servizos Sociais municipais cando detectan unha necesidade de apoio máis especializado.
Os servizos comunitarios públicos e privados poden solicitar charlas ou talleres divulgativos sobre o que pode ofrecer a Asociación á cidadanía das tres comarcas que conforman o sur da provincia de Lugo.
Que actividades ofrecemos?
O programa inclúe tres liñas fundamentais de intervención:
• Valoración social
Análise individualizada das necesidades, fortalezas e situación de risco.
• Información
Explicación clara e accesible sobre recursos sociais, prestacións, dereitos e procedementos.
• Orientación social básica
Acompañamento nos primeiros pasos para acceder aos servizos axeitados e mellorar o benestar persoal e familiar.
O noso compromiso
Desde Albores traballamos para que ninguén quede atrás. Apostamos por unha atención próxima, profesional e centrada na persoa, axudando a que cada quen poida tomar decisións informadas e mellorar a súa calidade de vida.
Se precisas apoio ou coñeces a alguén que poida beneficiarse deste servizo, ponte en contacto connosco. Estamos aquí para acompañarte.