En Albores contamos cun Programa de Emprego e Autoemprego dirixido a mellorar a empregabilidade das persoas con enfermidade mental. Este programa está dirixido a persoas con enfermidade mental en situación de desemprego ou mellora de emprego residentes nalgunha das localidades do sur de Lugo.
Ten como obxectivo facilitar a incorporación sociolaboral, mediante a mellora da empregabilidade e o mantemento do emprego, así como xerar territorios responsables facilitando a inclusión das persoas con enfermidade mental. Este obxectivo perséguese dende unha metodoloxía do empoderamento, apostando polo traballo en rede, a interdisciplinariedade, a accesibilidade, a interseccionalidade e por un modelo comunitario. Realízanse obradoiros individuais e grupais de técnicas de búsqueda activa de emprego, informática e de competencias transversais como habilidades sociais, resolución de conflictos ou xestión emocional. Tamén se realizan actividades de acompañamento e apoio nos entornos normalizados de formación e emprego para a adaptación e mantemento do posto de traballo e actividades de psicoeducación familiar.